O le a le taimi na faalavelave ai le pou telefoni i vaalele?

SHARE NOW

O loo talitonu lava le alii pailate sinia a le kamupani vaalele a le malo, le Samoa Airways, Maiava Peni, ole pou telefoni lea ua lala ane nei luga ma avea ose faalavelave ile faaifo mai o vaalelei e tulaueleele i Fagalii, e fou i lana ia maitau. 

Ile tatou faatalanoaga ma le alii kapeteni sinia, e lei vaai pe na iai foi lena pou telefoni ile taimi e le’i tapunia le malaevaalele, 

Peita’i e le gata ole pou telefoni, ae o laau pei o meatoto a aiga, ile itu i sisifo ole malae, o loo faalavelave.

O lesi lena popolega ole saogalemu, o loo ia vaai iai, faatasi ai ma le toe tanumia lea o autafa ole alavaa e see ai vaalele, ma le talatala ole ta o loo iai nei, i vaega tonu e sesee ai le vaa,  o le’a taugata foi mo vaalele , i lona tausiga . 

Ua silia ile lua vaiaso talu ona tatala le malae i Fagalii, ae lei see ai lava se malaga faalevaomalo.