I le feiloaiga a tusi tala ma le Minisita o Tupe, le Afioga ia Lautimuia Afoa Uelese Vaai, i lona ofisa ananafi, Aso Tofi, na fesiligia ai le Minisita i ni popolega tusitusia ole aufaigaluega a le NPF, ua faaoo atu i lana Afioga, e tusa ma se finagalo o le ta’ita’i fono ma le komiti o le au fai sao faga a le NPF, i le faamatuu atu lea o le $67 miliona tala, i totonu o le 9 masina, mo le au fai pisinisi ma isi oi latou na agavaa iai.
E atagia mai, o le popolega ina nei utia le tamaoaiga o loo faasoa pea i saofaga a i latou o agavaa ai i tupe maua a le NPF, aemaise, nei afaina lea tupe maua ona o le aofaiga o tupe na nono atu.
O nisi o vaega e lei manino ona faailoa mai i le faailoaina o lea $67 miliona, ua uma ona faamatuu, o se fua faatatau taumatemate (forecast revenue estimates), o se alaga tupe e toe maua mai, i ana tupe tului (interest receive), ia mautinoa ai e le au fai saofaga e ana meatotino ua faamatuu atu, o loo malu puipuia a latou saofaga, ma o loo i ai se taunuuga lelei e ala i penifiti toe maua mai (net returns) i lea nonogatupe $67 miliona.
O le lelei o le faamalamalamaina i le Atunuu o ni latou sea (shares), e ono toe maua mai i nei tupe faa faigaluegaina (investment strategy), ose vaega e taua tele, i a’i latou ua i ai le poto masani ma agavaa, i ia matafaioi, ia malu puipuia le faatuatuaga o le atunuu i a latou saofaga ma tupe maua.
Na maitauina le to’a o le faautaga a le Afioga i le Minisita o Tupe, Lautimuia Afoa Uelese Vaai, i le tali leleia ai o nei popole, e ala i lona faamanatu o ta’iala, ma faiga faavae e masani ai tulaga faapea, a o silasila manino iai le matagaluega o Tupe, i le aoaoina mai o faamaoniga, e tusa ai ma tulafono, ina ia siaki ai taiala o le faatinoina o galuega, poo sosolo i luga o le tulafono.
Saunoa le Minisita Lautimuia, e le o ni faiga fou ia aga, o le nono oni tupe tetele faapea. Ae ia a tatou suesuega:
Faatusa i malo tetele e i ai Ausetalia ma Niu Sila, o loo maitauina ai le lelei ona toe faa faigaluega o tupe maua (revenues), e toe fanau mai ai ni tupe tului i italesi (interest payment) i luga o nonoga tupe faa inivesi (investment loans), e penifiti ai le au fai sao faga, pei ona i ai le NPF, e ala i tupe ua toe faataape, i fai pisinisi ma latou o loo nono ina, ma agavaa i ai, i luga o aiaiga faa le tulafono.
O loo i ai foi taiala faa le tulafono masani, e fuafua faatatau i ai aiaiga, mo le mafai ai e se, o le a talosaga, ona talia sana talosaga i lea faitotoa (investment loans), e tusa ma le finagalo faaali, o se alo o Samoa ua loa lana tautua i fale tupe tele o Niu Sila ma Ausetalia, ma o loo ia umia foi ni faailoga taualoa mai Iuniversity i Ausetalia, sa auauna ai i le ova ma le 20 tausaga.
E talitonu, i le lava o le silafia o le Minisita, ma le Matagaluega, i nisi o itu faamata’u (risk factors), ma ni fua faatatau (measures) o nei ituaiga alagatupe, pei:
1. o le tuai ona toe totogi atu o nei nonoga tupe, (late payment actions),
2. ua le mafai ona toe totogi nonoga tupe na fai feagaiga ai (default actions),
3. feutagaiga i ala faa le tulafono, mo le toe taumafai e toe totogi le nonoga tupe (collection actions)
4. aemaise le faatapulaaina o se taimi, e toe faatau ese faamalosia ai e le NPF, o se aseta, na lagolago ai lea talosaga (asset guaranteed), e tusa ma le solia o se feagaiga, (as per loan default agreement), ina ia ‘aua nei gau tupe a le au fai saofaga, na nono.
5. E tatau foi ona i ai ni okika ua resitara (register or qualified auditor) faa le tulafono a le matagaluega, e iloilo ina ma su‘esu‘e lelei nei gaioiga uma
I tatou su’esu’ega, o iloa ai:
O ta’iala o le iloilo ina o ni tupe nono i fale tupe tetele i Ausetalia ma Niu Sila, afai o se nonoga tupe e ova atu ma le miliona, e fuafua le talia ai o lea talosaga i se tau, poo ni tau aofai o ni aseta (securities) e taatia i ai i luga le puipuiga o le tupe nono.
O le aofaiga o le tupe nono, e fuafua i le:
1) tau aofai o aseta o le a faaogaina e lagolago ai lea aitalafu, ia le silia atu ma le 60% o le tau aofai o aseta (securities), poo lona faaperetaniaina “Loan to Valuation Ratio” (LVR),
2) o le 60% fuafuaina mo tagata fai pisinisi, (business lending) e manomia ai ona faamalosia le faaopopo i ai i luga o inisiua mo nonoga tupe tetele, e taua (Lender’s Mortgage Insurance), e puipui ai le faletupe, mai i le ono le mafai ai e le ua nono, ona toe totogi peimeni o le aitalafu.
3) e 80% e kolosi ai le tau aofai o le aseta (security) mo tagata lau tele (Personal lending)
4) o alaga tupe maua (serviceability) a le pisinisi, poo tagata lau tele o loo talosaga, ia mafai ona toe totogi ai le tupe nono.
5) Amioga (conduct) mai ni nonoga tupe na faia muamua, ua faamaonia ai le faamaoni, ma le le faamaoni i le tausisia o peimeni, ma feagaiga ua uma ona totogi, poo loo aitalafu ai lava.
6) o le fua faatatau o aitalafu (credit rating) e taatia ai le lelei o le totogi ina o ni nonoga tupe na faia muamua, ma ua uma ona totogi, poo le paleni o aitalafu ua le gafatia ona toe totogi (default).
O vaega o loo taua i luga, (lending criterias) ma lona faagaioiga (processes) na tele i ai fesili a le au tusi tala a Samoa i le feiloai ma lana Afioga i le Minisita ia Lautimuia Afoa Uelese Vaai, ma toe tata’i i ai se finagalo faaali o le Afioga i le Minisita,
O ta’iala masani ia i lalo o tulafono Faavae o nonoga tupe mo pisinisi ma tagata lautele, (Uniform Consumer Credit Code (UCCC), lea ua suia nei i le National Credit Code, o loo lima ta’ita’i ina ai le malu puipuia o ta’iala o nonoga tupe faatapulaaina, e tusa ma le tali atu i ia manaoga. (responsible lending)………..
Peita’i, na faamanino foi e le Minisita, ina ua fesiligia pe faamalolo le Taitaifono, “e fua le faamalolo ole Taitaifono ole NPF, ia Papalii Panoa Moala, ile faagasologa ole ala o mea o, process, o faatali nei, e vaai poo faamalieina itu uma, securities. Ae soo se isi lava e tuua’ia e faamalolo le tumau, ae faatino le suesuega, ae o talia ai le faasologa o le ala o mea o faia nei.
