E $15 afe lea ua poloaia e le Faamasinoga o Apili le Fofoga Fetalai o le maota, Papalii Li’o Taeau Masipa’u e totogi atu i le faamasinoga, e aofia ai le $5afe, ole totogi ole faamasinoga a Faipule e to’alua ole HRPP, Tuilaepa Sailele Malielegaoi, ma Lealailepule Rimoni Aiafi ile faamasinoga Apili, ma le $10afe ile Faamasinoga Maualuga.
Peita’i ua togi i fafo e le faamasinoga Apili le talosaga toe iloilo , a le Fofoga Fetalai, ia Papalii faasaga ile faaiuga a le faamasinoga maualuga, e toe faafoi ai faipule o ta’ua i luga ile palemene ma ave iai o la totogi, ma penefiti a faipule e tatau ai.
O le faaiuga lena a le faamasinoga, sa toe apili e Tuilaepa ma Lealailpule, ma talia e le Faamasinoga o Apili, ose vaega ole faaiuga ua tuuina mai ananafi.
Ua faapea mai foi le Faamasinoga o Apili, e le faavaea le faaiuga a le Palemene, o Oketopa 18, 2022, faatatau ile faasalaga o faipule o ta’ua i luga.
Ma ua poloaia ai le totogi o faipule ma faamanuiaga uma e agavaa iai, e aofia ai ma le taimi na faasala ai.
Ae ua fautuaina le fofoga fetalai, e totogi, le tau ole faamasinoga Apili, $5afe ma le faamasinoga maualuga, $10afe.
Ole faamasinoga lea na faia ia Novema 23, 2023, Ae fai folasaga a loia ile aso 13 ma le 22 o Tesema 2023 ma le aso 23 o Ianuari, 2024, ma aumai ai le latou faaiuga ile aso 5 ananafi Fepuari 2024.
O loia a le fofoga Fetalai, e aofia ai B. Keith ma G. Latu.
Ae o loia a le taitai ole HRPP ma lana failautusi, e aofia ai R. E Harrison, S. Ainuu, M.Lemisio, R.M. Lithgow, D J Fong ma V Leilua.
O faamasino e aofia ai Justice Blanchard, Justice Young ma Justice Nelson.
