O le fono a le Palemene ile vaiaso nei, Aso Lua 24 o Oketopa, o loo faailoga fesili ile taimi nei pe agavaa ai faaletulafono ona nofoia e faipule o Lepa ma Faleata tolu, le maota ole Palemene o Samoa.
Ole toalua lea o loo tuli o la faasalaga lua tausaga ole togisala a le Fofoga FEtalai o le maota. Peita’i na o la apili lena togisala a le Fofoga Fetalai ile faamasinoga, ma maua ane ai le faaiuga ale Faamasinoga e solitulafono le faaiuga a le Fofoga fetalai ma e tatau ona toe foi le toalua lea ile palemene, ma maua o la totogi.
Peita’i e le’o galo ile fofoga fetalai faaiuga a le faamasinoga, o loo faamaonia ai faaletulafono solitulafono a le toalua o taua i luga. Na afua ai ona apili e le Fofoga Fetalai, Papalii Li’o Taeu Masipa’u le faaiuga o taua i luga a le faamasinoga.
Ae ile taimi nei e le’i iloa se taunuuga o le apili mulimuli ai nei a le fofoga fetalai, Ae i aiaiga ma tulafono a le palemene o Samoa, pei ona saunoa le sa avaea ai ma Fofoga Fetalai o le Palemene i nofoaiga e fia ua tuanai, Laaulialemalietoa Polaataivao Leuatea Fossie Schmidt, ole tulafono lava ia, o loo tapu ai ona talia e le palemene se faipule ua faamaonia sana solitulafono.
Ma e manatu Laauli ole tulaga foi lena e tatau ona iai le toalua o taua iluga.
