O le mea lelei mo Upolu e lelei foi mo Savaii

SHARE NOW

O falemai fa’aleitumalo a Sataua ma Safotu o falemai nei e lua ua atoa iai le fa (4) o falemai fa’aleitumalo ua mafai nei ona fa’aogaina feso’otaiga fa’aneionapo e māta’itū ma feso’ota’i ai fa’amaumauga o gasegase (Patient Health Information System /health).

O lenei taumafaiga o le a mafai ai e le foma’i sinia ma foma’i fa’apitoa ona maua fa’amaumauga o gasegase i falema’i fa’aleitumalo ina ia mafai ona fa’atino togafitiga talafeagai mo le soifua maloloina o le gasegase.

O falemai fa’aleitumalo a Lalomanu ma Sa’anapu o falemai nei e lua na amata mai ai lenei feso’otaiga taua i le amata ai o Iulai.

O nei atina’e ua mafai ona fa’atino ona o le lagolago a le Faletupe o le Lalolagi I le polōketi ua tāua o le Health System Strengthening Project aemaise ai foi le fesoasoani a le Malo o Ausetalia fa’apea le Malo o Niu Sila.