O le saoasaoa male ave taavale faasuava le mafuaaga o faalavelave

SHARE NOW

Ua molia ai e leoleo le tama 36 tausaga o Saleilua Falealili, ile avetaavale faatamala ua afua ai le manu’aga.

O le faalavelave tau taavale lea na tupu i  Siumu ile taeao ole Aso Toonai na te’a nei.
Na alu atu ai le taavale a le tama lea mai Saleilua ma lana fanau faamoemoe mo Apia, ae fetaui ma le kolosi ane o le tamaititi lea i Siumu ma ta’ia ai. O taua o le tamaititi na alu e ave le fagu kesi i lona tauaiga i lesi ituala, ae o le toe foiga i lesi itu na ta’ia ai ma manu’a lona ulu ma maosiosia.
Na faatopetope i le falemai i Poutasi ma avatu ai ile falemai tele i Motootua mo togafitiga, manuia ma toe te’a i tua.
Ae o sasa ole tapuaiga a le Toa Samoa, ina ua manumalo ile taeao o le Aso Sa ananafi, i le la taaloga ma Peretania, i ‘ai e 27  ile 26. E te’a ane lava le fitu faasolo i le valu ile taeao o feo’i lava taaavale i luga o le ala tele ile taulaga i Apia ma fu’a faalealea.
O round about e lua i le taulaga, e aofia ai le taamilosaga ile Uati ma lesi lata i le auala laupapa i Vaisigano sa fai ma taula’iga le solo a taavale i le taulaga i Apia. O molimauina e iai solo a taavale e leai ni talosaga pemita na fatinoa.
Pei o le solo taavale i Falealili, e le’i talosagaina se latou pemita pei ona molimauina mai totonu, ae ua tuuavanoa lava iai leoleo ona ole agaga ole taeao .
E ese mai le taavale na pa’u i le tulilima i Salani ile taeao ole Aso Sa ma le tamaititi na manu’a i le faalavelave tau taavale mai Siumu, ole tele o le atunuu na filemu.