O le ulua’i seleselega a Faleata tasi

SHARE NOW

O loo faagasolo lava polokalame ma sasa o le atoaga o le 60 tausaga ole tutoatasi o le tatou atunuu.

Pei foi ona toe molimauina ile afioga o Vaimoso, ile ulua’i seleselega a le itumalo o Faleata tasi. O lesi lea itumalo ua mautu ana faatoaga i eleele galue i gauta o Faleata, ile alu agai i Laloanea ma aiga o loo galulue lava latou i tua maota , o maua ai fanua mo togafa’i ma maumaga talo.

O faaeleelaga eseese pei ona molimauina ilenei aso, e aofia ai oloa talo, taamua, ufi, manioka, umala, taamu samoa ma le taamua Salafai, aufai palagi, pata , misiluki, mamae, talima, fai samoa, manioka eseese, popo ma oloa taulima.

Ua pa’u tonu i le Aso Toona’i e fai iai faatauga a aiga o tapenaga ole Aso sa male vaiaso. O loo faagasolo lava ulua’i Seleselega i itumalo ma afioaga.

Ina ua toe tau mai i fanua le afioga ile Minisita o Faatoaga ma faigafaiva, Susuga i le Laauialemalietoa Leuatea Polataivao Fossie Schmidt.

Na saunoa Laauli e faa faafetai ma faamalo, i le maaau ae ole lagolago ole itumalo ma le ai faifaatoaga, ae o aiga uma, ile faatumauina lea o le maua pea o taumafa i totonu o nuu ma aiga taitasi.

O lana faamalosi au ina ia faaauau ai pea lenei matati’a i tausaga uma ole faia o faaaliga o ulua’i seleselega i taumafa eseese ma atinae’ o oloa gaosi i Samoa, mole manuia alu i luma o tagata uma ae ole tatou tamaoaiga.