Ua agai atu ai nei le faigamalo a le FAST e faamalie lesi vaega o ana folafolaga ile taimi o le faigapalota tele ole 2021.
E le taumate ole vaega tonu lava lea na fuli mai ai le lagolago a tagata Samoa mai fafo, ina ua faalauiloa ele FAST, lo latou suia ole tulafono, ina ia mafai ai e tagata Samoa o nonofo i atunuu mamao ona palota i faigapalota tele a le atunuu.
O le fono a le Palemene ile aso, lea ua faalauiloa e le Failautusi o le fono, o le’a fofogaina ai le pili ole tulafono tau faaofi, ole teuteuga o tulafono o faigapalota 2024.
I le taunuuga o le sueseuga a le komiti faapitoa o faigapalota sa faagasolo i itumalo i tua, na maitauina ai le taga eseese o finagalo faaalia, ua afua ai le pili ole tulafono tau faaofi o le teuteuga o le Tulafono faigapalota 2024.
Ma saunoa ai le afioga ile Fofoga fetalai, Papalii Li’o Taeu Masipa’u, e amata le fono a le Palemene ile 9 ile taeao ole aso.
