Ua maliu le tasi o matai ole atunuu, ose tama iloga i lona aiga, ae ose tamalii sili foi ona lauiloa i le tatou atunuu, mai le afioaga o Faleatiu.
Le Susuga a Tagaloasa Filipaina Faisauvale .
Na maliu ile falema’i tele i Motootua, ole Tupua Tamasese Meaole, le Susuga Filipaina, sa masani lava ona vaaia le avatu e leoleo e vaai le fomai pe’a gasegase i taimi a’o taofia ai ile falepuipui.
Peita’i e le’o mautino mai le mafuaaga o le maliu, ile taimi nei, aemaise o lae sa pa mai tala ile sao atu o le siama koviti i totonu ole falepuipui ma pisia ai se vaega o pagota.
O loo masalomia na avatu le siama i totonu , e leoleo na o atu e faafilemu le solaaga a se vaega o pagota na maoluma ile masina talu ai, e lei manuia.
Ae ole maliu o le tama ia Tagaloasa, lea ua tupu mai a’o tuli ai lona faasalaga i le falepuipui i Tanumalala, ile 63 ai lenei o tausaga o lona soifua.
O se taimi maua se faatalanoaga ma lona aiga, i Faleatiu, ae o saunoa le sui komesina o leoleo, Auapaau Logoitino, e momoli atu ana faamaisega i aiga lotofaavauvau, ae o faamafanafanaga.
