O loo faaauau lava ona galue le pule aoga, na tofi e le Matagaluega o aoga, e vaaia le Kolisi o Sagaga.
O le Kolisi faaitumalo lea i gauta o Afega o loo aooga ane iai fanau a nuu o lea itumalo.
Ole faleaoga lea na faia ai foi finauga, ile va o aiga, ole afioaga, faatatau ile fanua o loo tu ai le faleaoga
Ma tatou mulimulita’ia lena foi mataupu ile fanua.
Peita’i, o saunoa le Minisita o aoga Seuula Ioane, e iai le tusi faasea faatatau i le faamalolo ai ole pule aoga, sa faia iai suesuega, ma e leai se mafuaaga tatau.
O le matapu lea ile faleaoga o le Kolisi, ile tatou faatalanoaga a ma le komiti ole faleaoga i tausaga ua tuana’i, na saunoa ai le sui o le Komiti, afioga a Maulolo Tavita, ile taimi na umusa ai le Hall a le aoga, e lei faigofie le taumafaiga mai ole faleaoga, aemaise ua toatele le aoga sa mana’omia ai galuega faaauau ile faleaoga.
Ae sa tuta’ia ona o taofiga ile fanua.
Taimi nei, ua tula’i mai Maulolo ile tofiga faipule ole itumalo,
Ae o lea ua agia mai le tusi atu o Afega ile Matagaleuga o aoga, e aveese le pule aoga.
O se laasaga o loo tatou tuliloaina ai le afioga ile faipule pe aisea.