E ui ua lipotia le faamuta ai ole auaunaga a le Faataua o le Ola, FLO, ole faalapotoptoga tumaoti sa unaia le faataua ole soifua, i Samoa, ae o loo faauaua pea le laina faaola a le Toomaga mo e Puapuagatia, poo le SVSG Samoa Victim Support Group.
O le 800-7874. E le’i maua se tatou avanoa ile pulega sa iai o le Faataua le Ola, na taulamua ai le Susuga a Papalii Carol Ah Chong, peita’i o loo ta’ua e le afioga a Tuatagaloa Joe Anndale ile Samoa Observer , le talosia e iai se isi faalapotoptoga fou e suia le Faataua le Ola, mo le faaauauina ole auaunaga.
O faalapotopotoga tumaoti, pei o le FLO, e faamoemoe lava faasailigatupe, faalauaitele, e faaauau ai, mo le faatupeina o ana auaunaga, pei o polokalalame faamalosi’au , o aoaoga faalaua’itele ile taua ole soifua,
Peita’i o le faauauau ai pea o le auauanga a le Toomaga mo e puapuagatia, e lavea’I soifua o tagata, e ala ile latou laina vili fua ole 800-7874, o loo faafetaia ai e le Peresetene, Siliniu Lina Chang le pulega a le Vodfone ma le Digicel, ona ole latou faataua ma le lagolago ile taua o soifua o tagata o Samoa.
Ua afua ai ona faaauau pea le laina vili fua o iai nei.
Ma faamauina ai e uma ane le aso, e silia ile 20 valaau, ona mafuaaga eseese, e aofia ai le femema’i, o le fia maua oni taumafa, lavalava, aiga taua’imisa, o solitulafono tau sauaga, I soo se ituaiga, ae o aiga e fia maua ni tupe e totogi ai pili o paipa po o cash power ma fanau ua le gafatia ona faaaooga.
Peita’I o saunoa Siliniu, o le viiga ole Atua e ao lava ona ave, ona ole agaga galulue faatasi o tatou tagata, e fesoasoani ai lesi I lesi, pei ona solo atu ai le alofa I aulotu, pisinisi, faalapotopotoga tumaoti ae o tagata taitoatasi,
Ma le toaaga lava e faasaili tupe mai fafo, ole aisi lava o loo maua ai tupe e faauaua ai le auaunaga ole sefeina lea ole soifua ole tagata.
Ole tala faaletupe a le malo ole tausaga talu ai ma le tausaga nei, na ofo ane ai le $500afe tala, ma ona aiaiga, ua sosoo ai nei tausaga, mo le SVSG .
