Toe sefulu masina o loo totoe, ma faa avanoa mai pea e le ofisa o faiga palota a Samoa, mo tagata lautele o le atunuu ua agavaa e resitala suafa ile lola palota fou aua le faiga palota tele ole 2026.
Faaalia e le Ofisa o faigapalota, ua faasopolia uma le atunuu atoa ile faagasoloina lea o le resitala.
Ole agaga ole faafetai na faaalia e tina matutua ile taua ole malaga atu ai I tua o le aufaigaluega, ua faafaigofie I tagata taumamao o itumalo e 51 a Samoa, ona lesitala.
O loo tatala pea le avanoa mo tagata ua agavaa e agai sao atu ai ile ofisa autu I mulinuu e resitala ao lei oo mai le masina o Setema 2025, e faagata ai.
