E tasi le tagata na aafia i le koviti 19, i totonu o le vaiaso muamua o Ianuari, i Samoa, pei ona lipotia e le Soifua maloloina ananafi.
Ma oo atu ai le faitau o tagata aafia i le siama i Samoa i le 15,992. O tagata na aafia i le siama ma taofia i le falemai talu ona pesia Samoa ia Mati 17, 2022, e 347. Ae mo le taimi nei ma le 24 itula ua tuanai, e leai se isi o taofia ile falema’i.
Ae tusa o le 770 tagata na oo atu i le falemai, ma auga o le flu, ia Tesema 26-1 Ianuari, peita’i ua faaititia ifo talu mai le aso 2-8 Ianuari 2023 i le 350.
Pei ona lipotia e le Matagaleuga ananafi, o ta’ua ai le faasolo ona maeae’a uma lava lipoti tuua , faapena foi i le flu. Ma ua amata foi ona maitauina le faasolo ina faaititia lava tagata aafia i le koviti 19, ma le Influenza e oo atu suesuega o le fale suesue.
Ae o lo o alia’e foi i luga o le lipoti, le maua o tagata le manava , severe acute respiratory infection or SARI, i le vaiaso Epi week 52, e lua na lipotia i le Tupua Tamasese Meaole , ma le lua mai falemai i Safotu.