Ua tamua i le fono a talavou ma le fono a tina le fono a taitai o malo ole taupulega,
Ole afioga i le Palemia Fiame Naomi Mataafa na saunoa aloaia, ile fono a tina,
Ma ia faamalosi i usugafono a tina,o latou lipoti mai mataupu talanoaina o fono nei, e fau ai le agai i luma.
Ma o mataupu ia e ave iai le faataua o le’a avatu i taitai e fua iai le la folau o tamaitai ile lumana’i.
Ole fono a talavou a malo o le taupulega,o iai ma talavou o Samoa, poo le Commonwealth youth Forum, na faatuina faapitoa lava, mo le aumaia i luga o mataupu e ao ona ave iai le faamuamua, ae o manatu ma lagona o talavou.
Ma avea ai ose faavae iloga mo talavou, e faatonutonu ai latou manatu ma leo , a’o faia ai tonu ma faatalanoaga e taitai o malo o le taupulega,i Samoa.
Ma amata mea ai ile aso Gafua ma le Aso Lua, 21, 22, ao lei amata aloaia le CHOGM.
Ma auai mai ai le silia i le 300 talavou.
Ma saunoa ai le failautusi aoao a Malo o le taupulega, Hon Patricia Scotland KC, faatatau i foliga vaaia o le taeao mai Mulinuu, ile amataga mai o le fono a talavou, ua atagia ai leo o alii ma le latou lagolago, ua maitaina ai le omai faatasi, o usugafono.
O aso foi faapenei e faamanatu mai ai le au o le ina’i lau a tamaitai i malo o le taupulega, pei ona saunoa le failautusi,
Peita’i e ui ile tele o nei tina ua faamanuaina, ae iai lava foi lu’itau e feagai ma latou.
Ua tele tele lava sauaga faasaga i fafine o loo tutupu pea,o tamaoaiga ma lona sao i sauaga, o le faailoga tagata, ma le teena o tamaitai mai avanoa e avea ai ma taitai.
