O sailia pea Toetu, talu mai taga palolo.
Na toe tuliloa lava ele au saili a le ofisa FESA Fire Emegency Services Authority, Pulega o Fuimu ma Faalavelave tutupu faafusei, ma le Matagaluega o leoleo, ogasami gatai o Aleipata male faasolo atu i Falealili, pe maua ai le tino ole atalii ia Toetu Aoena o Poutasi, peitai e le’i manuia.
O Toetu e toaono iai alii talavou na o e ta palolo ile po o le Aso Faraile talu ai, peita’i na sa’e le latou vaa.
O ta’ua e le pulenuu o Poutasi, Tumanuvao Pualele na toe maua le to’alima ae tasi o loo leiloa, o le tama a lona tuafafine e nofo ia te ia.
Sa ia vavao e aua nei o nisi e ta palolo ile vaa, ae na moe loa sosola le aualii lea, alo le dinge alamini i foe laau ma laupapa, ae o atu ai sa’e.
O Toetu sa tu’u e alu ile au faigaluega favaaitaimi a Poutasi ile vaiaso nei. Na toe alu foi le sailiga a leoleo i ananafi ae lei manuia lava.
