A’o tapena Amerika Samoa mo lana palota laititi ia Novema, “e tele se ‘ai o le Kovana ma lana sui Kovana o tula’I mai nei , pe afai ae mafai e le la faigamalo ona faataatia ese pemita 30 aso, o loo malaga atu ai tagata Samoa i Sisifo e asiaasi atu I Samoa I Sasa’e.
O moomooga na ole tama faipisinisi Upolu, e lei finagalo e faailoa lona suafa sa masani ona alu e ave ana oloa laiti i Amerika Samoa. O lana tala, e tele nisi faamanuiaga tau I le tamaoaiga I malo e lua pe’a aveesea le pemita 30 aso.
O se laasaga o loo momoo iai tagata atu I Samoa I Sisifo, mo tafaoga ae o asiasiga I aiga I le motu I Sasa’e.
O le faataatia ese o le pemita ulufale 30 aso I Amerika Samoa, lesi lena mataupu na faatalanoa e le afioga Fata Brian Kaio, ile feiloaiga ma taitai ole teritori.
O le Susuga a Fata, ole sui fou ole malo o Samoa, i totonu o Amerika Samoa e sui tulaga ile tamalii sa iai I lena foi avanoa faigaluega, ua mae’a lona ia taimi.
Ile faatalanoaga ma le Leitio Polensia, na saunoa ai Fata, o lana feiloaiga muamua lava ma le afioga I le Kovana o Amerika Samoa ia Lemanu Peleti Mauga na iloga ona lote ai le mataupu lea o le va nonofo ai a Samao e lua pei se uso.
O le va fetausia’i a Samoa e lua, e ese mai lava faatusa i isi atunuu o le lalolagi.
Ma ose laasaga e tele itu e ao ia Samoa na lua ona taga’I iai, o lona talitonuga ose mea e mafai lava e Samoa na lua ona galulue fegalegalea’i aga’i iai.
Ole faataatia ese lea o le pemita, e mafai ai e tagata atu I Samoa I Sisifo ona ulufale saoloto e le toe tau o fua i pepa femalaga’I o iai nei.
Ae o lesi foi itu e tapena iai, o le taimi e tatala ai tuaoi faavaomalo, o se tasi o ana mataupu faamuamua.
O lesi lea auala faigofie e mafai ai e tulisi ona o atu ile teritori ose tasi o alaga tupe mo Amerika Samoa.
O le eseesega o Aso ole vaiaso , lesi foi itu e tosina ai tagata e fai malologa I Tutuila, e mafai lava ona faamanatu faalua se aso faapitoa I atunuu eseese e lua. Pei ose aso fanau.
Taimi nei o loo faatulafonoina le umia o le pemita 30 aso faatoa mafai ona e ulufale le tagatanuu o isi atunuu I Amerika Samoa.
