O se tali mai le Taitaifono o le Fono faatonu a le NPF, Papalii Panoa Moala , o loo faatali iai se faaiuga i lona tulaga faamalolo e tusa ai ma ala o mea,pei ona saunoa le Minisita o Tupe, e aofia ai ma le NPF, Lautimuia Uelese Vaai.
Peita’i o loo teena e le Susuga a Papalii se faaitu’au ole faaiuga e faamatuu atu ai aitalafu tupe a pisinisi e aofia ai ma se talitonuga lotu.
O le maona a’e i luga o lea mataupu ina ua tusi atu le pulega ole aufaigaluega, a le NPF, ile malo, i popolega faatatau ile faaiuga a le Fono faatonu ole NPF lea e taitaifono ai le Susuga a Papalii Panoa Moala.
Saunoa ai le MInisita ia Lautimuia, e viia le aufaigaluega ua mafai ona tautatala, e ta’u mai o latou popolega.
Peita’i e le’o iai se popolega ile aitalafu ese ole tupe, e le’o iai foi se popolega i tupe a le aufaisaofaga.
Ae o le popolega ole tusi a le aufaigaluega, o le ala o mea e faatino ai tiute ole Fono faatonu ale NPF, o loo taita’ifono ai le Susuga Papalii.
O le faamalolo ai ose tagata faigaluega a le malo, o masalomia ise solitulafono, o tulaga masani ai pei ona saunoa le Minisita, peita’i ua faatali le malo ile tali ane a Papalii, e fua iai lena faaiuga.
Ae o aga masani ai lava lea a le NPF, o le no no atu o ana tupe i tua, e tupu ai le tupe ma fanau mai ai le siitia o faamanuiaga e maua e ana paaga fai saofaga.
Ae o le taua o le mataupu a le aufaigaluega , ole mafai lea ona faaupu atu o latou popolega, o atagia ai le leai ose fefe, sa iai, ina nei afaina galuega pe’a tautatala .
