“O tagata ua faamama toto, o tagata ua feoti” Rev Iuli

SHARE NOW

Ua siitia ai nei le maota faamama toto ma ona masini faatotoga, mai Siamanai ina ua mae’a ona faapipii e tagata popoto faapitoa.

Ma amata ai ile aso lenei 20 Tesema 2022 ona faaaoga e gasegase, talu mai lona faapa’iaina aloaia ile aso ananafi.

O le Ta’itaifono o le Ekalesia Soofaatasi o Samoa,   Rev. Aisolu Iuli  na ia faapa’ia le maota gasegase.

“E manatua lava le tala a lesi taitai o le malo, o tagata ua faamama toto, ua feoti, already dead, sa maliu ai foi ii  lo’u to’alua, ae faafetai i le alofa  le Atua o lo o galulue lava punou a’i, o le matagaluega, ae o paaga ua faatasi mai i le faamoemoe o lenei taeao”.

Ae o le Minisita ole Matagaluega o le Soifua Maloloina Valasi Tafito Selesele na saunoa ai  mo le aofia ae o le auga ma le talaaga o le faamamatoto i Samoa.

O le auaunaga  ole Faavae tau Fatuga’o i Samoa na amata mai i le 2005, sa na’o le ono gasegase ma le 11 masina na amata mai ai.

2009-2010, na oo atu ai i le 58 gasegase; 196 gasegase tumau, ma gasegase asiasi mai e 12 ua iai nei.

Saunoa le Minisita “atonu e le’o se tulaga lelei lea.” O avanoa e 22 sa faavae mai ai ile 2009,  ole maota fou ua tatala ai nei e 60 gasegase e mafai ona faatino a latou faamama i le taimi e tasi.

Ua 17 ai lenei o tausaga talu ona faatu le falemai faamama toto i Motootua , ae ua lua a’i tausaga mo Savaii.