O nisi nei o aoga sa faapea ona oo atu iai le matagaluega e pu’eina a latou galuega faamatata eseese mo le faamoemoe ole SILNAS o lenei tausaga.
Ole SILNAS o se tasi o polokalame faaauau a le Matagaluega o Aoga ma Aganuu lea e tele ona faatinoina i tausaga taitasi uma.
Ole autu ole faamoemoe o lenei tausaga ” O le ola aiga e faafaileleina le ola. ”
O lenei polokalame oloo tulituli ma faaleleia auaunaga a fanau ole atunuu e ala ile tusitusi, faitau tusi ae le gata i lea ole numera ma le faasaienisi.
O lenei la tausaga oloo ave le faamuamua i fanau oloo latou ave mataupu faakamuta poo mataupu tau matata eseese.
O galuega pei ole elei, valiga o ie, gaseseina o taumafa, fausiaina o mea fale, musika ma taaloga faapea le lalagaina o fale ma nisi o meataulima pei o ili, polavai ma pulou.
Mai se pepa o faamatalaga mai ile itulau a le Matagaluega o Aoga ma Aganuu lea na faailoa mai ose vaega fiafiaga tele ona ua maitauina lava ile faagasologa ole galuega, le tele o alo ma fanau ua maua le tomai ma le agavaa i vaega nei ole olaga aoaoina.
O nisi o aoga sa faatinoina le totoina o fualaau aina mo le fofoga taumafa ole atunuu.
O se tasi o itu na lagona ai le fiafia ona o alo ma fanau lea ua faatinoi a nei galuega o i a tatou oloo aooga i aoga tulaga lua ma ua maitauinaai ona faamauima ai ele Matagaluega o galuega fita a nei aloma fanau oloo naunau e faatino.
Na maitauina foi lo lafou fiafia e faatino nei amata i totonu o aga.
Ole tele lava o manatu faaalia o alo ma fanau e mafuli lava ile tausiaina o aiga ile lumanai ae maise se ai o so latou sao tele lea ile atinaeina o a latou aiga.
