Ole ave loli lea na solia i luga o le vaa” Komesina 

SHARE NOW

I le tala toe tuliloa ole pasese lea na solia ile loli i luga ole vaa ile faaiuga ole vaiaso talu ai, na muamua o tatou lipotia,

Ua faamaonia mai e le afioga ile Komesina o leoleo, Auapaau Logoitino Filipo ina ua fesiligia e le leitio Polenisia:

Ua molia ai nei se alii talavou 16 tausaga, i le faatamala ua maliu ai le tagata. Faamaonia mai e le komesina, ole avetaavale o le loli lea na moe i lalo ole loli, ae o le alii talavou lea late faigaluega faatasi, na alu ane faaola le loli ina ua taunuu le vaa i le uafu i Mulifanua.

Ua molia e leoleo le tama talavou lea 16 tausaga ile avetaavale faatamala ua mafua ai le maliu, Ma e ono toe faaopopo nisi moliaga faasaga iai.

E lei tali mai le komesina ina ua fesiligia pe o molia le tama lea ose tagata matua poo se tamaititi talavou, e maua mai se tali o lena fesili ise taimi .

O loo taofia ai nei i lalo o le vaaaiga a leoeo mole taimi e valaau ai i luma o le faamasinoga ile masina fou.