Ole toe faaauau ai ole Teuila 2024, ose taunuuga ole suesuega sa faia, pei ona saunoa le afioga ile Palemia, Fiame Naomi Mataafa, ile tatalaina aloaia o lenei faamoemoe, ile amataga ole vaiaso.
Ma ia amanaia ai le amataina o lenei atinae ile tausaga e 1999.
Saunoa le palemia: ” Ole tausaga ua tuanai atu sa faatino ai se suesuega e tālia ai le finagalo ole atunuu lautele, faapea le mamalu o tatou tagata oloo aumau i atunuu i fafo, e faatatau ile faaauau ai ole faaaliga ole Teuila. Ole faaiuga o lea suesuega sa faamaonia ai le lagolago e le toatele o tatou tagata ole faaauauina o lenei faaaliga. Ole faaaliga ole Teuila e taua tele ile faatosina mai o tagata maimoa i lo tatou atunuu, aemaise lave o tatou tagata mai atunuu i fafo e toe fafagu ai o latou sootaga e ala i la tatou aganuu, e pei ona iai ausiva faaleaganuu e 3 ua malaga mai fafo e auai ile Faaaliga o lenei tausaga.
” Ole autu ole faaaliga ole Teuila 2024 ole ” Faatamaoaiga lou siosiomaga, taofi mau lau aganuu.” O lenei autu oloo taitaia ai le pulega o Tagata Tafafao Maimoa mai Fafo.
Mai i a latou taumafaiga e faataua ai le puipuia olo tatou siosiomaga ma le tatou aganuu aua le atinaeina ma le faaauauina pea o lenei atina’e ile lumanai, mo le lumanai o si o tatou atunuu.
Ole vaiaso atoa ole Teuila olea faasaina ai le faatauina ma le aumaia i totonu ole mea olea faatino ai lenei faaaliga o ni faguinu pa’u poo plastic bottles, ae klea faatutuina ni masini vai i tua ole Friendship Park ma le Cultural Village a le Pulega Tagata Tafafao Maimoa mai Fafo e mafai ona faatumu ai fagu vai taumafa a le atunuu lautele olea maimoaina.
