Ole tapena ai ole faletalimalo ole Sinalei Resort i Siumu e api ai le tupu ma le masiofo, King Salesa ma Masiofo Kamila, ose laasaga e leo tuumamaina e le itumalo o Siumu.
Ma agia ai nei le faatalanoaina ose suafa matai ole tupu, pei lava o aga masani ai mo isi foi papalagi e maua o latou sootaga i afioaga o Samoa.
Ole avatu ole matupalapala Samoa, aemaise ole nuu olea api ai le tupu, ose faaeaea lava lea a Samoa atoa, pei ona saunoa le matai ole afioaga o Siumu tofa Tuu’u ina ua fesiligia.
Peita’i ole suafa matai e faatino ai foi ma le ‘ava masani ai lea agaifanua, e ese mai le sauniga ole ‘ava faatupu lea ua tapena iai le maota Samoa ole Iunivesite i Vaivase.
Ae ole tapenaga a le afioaga o Siumu, mo taligamalo, ua lanutasia uma atu ai lava le atu Safata ma le atu Falealili ile faamatagofieina o tafaala ae o maota tu auala o aiga i na foi vaega i Saute ole motu o Upolu, e ui ina ole fono e usu ile taulaga i Apia Mulinuu, ile itu i matu o Upolu, ma molimauina ai le faaleleia o vaega manaomia ole ala tele, aemaise o auala olea uia e malo, ile aga atu i Tiavi ma le atu Safata.
Ua toe taumafai ai Peratania le atunuu ole tupu Salesa, e fia foi ile li’o o malo o Europa, lea faitau miliona tupe na o latou fesoasoani mai ai ia Samoa ma ana atina’e fai, aemaise ai lava ile siitia ole suavai mamā ma le faatofutofusia ai ole atunuu atoa ile vai mamā ua ausia aiaiaga a le WHO.
