I tulaga tau fesootaiga lea na siisii ai leo o faipule ile Palemene ananafi, ma tuuaia ai e le faipule o Lepa, ole taitai ole itu agai, HRPP, Tuilaepa Sailele Malielegaoi, le maumau ole $2miliona tala ile kamupani Bluewave.
Peita’i ole siitai o saunoaga ile va masani ai o faipule, e aofia ai Tuilaepa Sailele Malielegaoi, Lealailepule Rimoni ma le Minisita o Faatoaga, Laaulialemalietoa Polataivao, na afua mai ile saunoaga faamalamalama a le Minisita o Fesootaiga, Toelupe Poumulinuku, i faiga faavae a le faigamalo e alolofa ile atunuu, ua pa’u ai le 20 pasene ile tau ole auaunaga, e oo lava ile miliona ua avatu e fesoasoani i tagata e ana le atunuu.
Ma lagolagoina e le Fofoga Fetalai, Papalii Li’o , “e soo se faigamalo lava e iai faiga faavae.”Peitai na oo lava ina faamata’u e le taitai ole ituagai, ia Tuilaepa, le Minisita o Fesootaiga, “ua toeititi lava tautala ane i le talaaga ole Minisita lea i totonu o le malo.”
I fesouaiga lava ia i totonu o le palemene, ananafi, na tuuaia ai e Laauli, ua taugata le interneti, Ua uma ona fai le submarine cable, ae nofo hrpp ma faatumaoti, sa tatau ona tuu le broadbond ma le sub, ile malo.
Peita’i na fautuaina e le Palemia, faipule na siisii leo, e tata ane ile moa ole ala, ma silasila i itu taua, o sii mai mau a faipule, ma faaauau ona faamanaia le taeao.
Talu le ogaoga o le taunuuga na oo iai lea sousou o saunoaga, na toe faatoese ai le faipule o Faleata, Lealeilepule ile Fofoga fetalai, faapena foi ona talosaga le faipule o Gagaifomauga tolu, Le afioga ile Minsita ia Laaulialemaleitoa Polataivao, e faaui i tua lafoga a Lealailepule faasaga ia te ia.
Ma toe fafoi ai i tua le lafo na faatu mai e le Minisita o le soifua maloloina ia Valasi Togamago Tafito e , ‘Ave i fafo le faipule, ia Leala, ile leai ose faaaloalogia ole fono.
Ma saunoa faamalulu foi le taitai ole HRPP, oloo taumafai lava e avatu fautuaga mo le agai i luma.
Ma ia tuuaia le Minisita ia Toelupe i le talanoa faavevesi, peita’i sa le’i miga ai foi le tali a Toelupe, e le’o ia oloo faavevesi, o loo tali atu le malo i faiga faavae, e tau faapulapula.
