I le uma ane o le palota laititi a le itumalo o Vaimauga 3 i le aso,24 Fepuari 2023, lea ua atagia mai , i lona faitauga muamua le aloaia, o loo palota silia le Afioga a Lautimuia Uelese Vaai.
E ta ane le lima I le afiafi ua mae’a ona tolaulau falepalota uma e 13, pei ona molimauina i faamaumauga i luga o le ata tuuina atu i lalo.
Na saunoa le afioga ile Komesina o faiga Palota, Tuiafelolo John Stanley, ile taumafaiga ma taualumaga o lenei faamoemoe.
“O loo faatali ai mole taunuu mai o pusa palota mai Savaii, o palota faapitoa.
Ae tusa ai ma le tulafono (talu ai o loo iai tulaga louloua le tau, )
“Ae a misi mai Savaii ma le vaa o le 6 ma le 8, ile taeao a taeao o lona uiga e faatali le faitauga aloaia mo le Aso Gafua.
Peita’i ile maitau atu ile aofai o tagata palota lesitala oi le lisi a Vaimauga 3 ma le aofai o tagata na palota ai ile aso ma le Aso Lulu, e toatele lava tagata e le’i palota.
Mai le 4,678 tagata lesitala o maitauina e na’o 2531 na palota , 2,147 e le’i palota.
7
E le taumate o le toatele o lena faitau o loo Malaga I fafo i galuega faavaitaimi ma asiasi foi.
O loo mautu lava le “faasalaga o le tagata palota lesitala e le’i faatinoa lana palota, e faasala i le $100tala.”
Ae I le faitauga le aloa’ia mo le taimi nei, o loo palota silia ai le FAST: Lautimuia Uelese Petaia Vaai : 1, 423, HRPP: Samau Leatigagaeono: 1008; INDEPENDENT: Feagaimaalii Uta’ileuo Toomalatai 100.
Ose manumalo mai le faitauga aloaia o le palota laititi a Vaimauga 3, o le ‘a atoa ai loa nofoa o le palemene o Samoa, e na’o le 52 faipule o iai nei, ina ua tuua ai le malo e le Susuga Papalii Niko Lee Hang.
E faamoemoe foi le tumau ai pea o faipule e to’atolu ua savali ese ma le HRPP, e avea ai ma faipule tutoatasi I le palemene, ise faaiuga a le Faamasinoga Maualuga. Afai e le talia le latou tutoatasi , lona uiga o isi foi na palota laiti o loloma mai.
Ae mo le taimi nei, o se faitauga muamua le aloaia lena ole palota laititi a Vaimauga tolu.
