E $964,835,276 milliona tala le tupe faasoasoa ale atunuu ua pasia ai e le palemene i le afiafi ole ASo Lulu 29 Iuni ananafi, e faasoa i ana galuega faatino, amata atu i le aso taeao, 1 Iulai.
O l ana tupe lea mole tausaga faaletupe 2022- 2023.
Ua vaiaso talu ona faatalanoa i le Palemene le tala o le tupe ma faia ai ana fono po, ona ole taua ole mae’a faatalanoaina o le tupe faasoa ile taimi e tatau ai.
E au ina maua se 1.3pasene mai tupe maua ma le 5 pasene mai faasalaga, e lagolago ai le sao o le malo i faama’i le pipisi.
Saunoa ai le afioga i le Minsita ia Anarosa Ale Molioo, e ono faaititia tupe maua ma tupe faamealofa mo le malo, ile 12pasene ile tausaga faaletope fou, ona o le toe fetuunaiga a le malo o tupe faamealofa.
O tupe faaalu lava ia ole tausaga faaletupe lenei, e amata ai ile aso 1 o Iulai, pe a ma le $964,835,276.00 tala .
Lona uiga e aofia ai ma polokalame atinae, o loo fesoaosani mai ai paaga a Samoa.
I saunoaga a le Minisita o tupe ile faagasolo maiga o le faatalanoaga o le tupe faasoa, ole faasoa foi lenei ole a siitia ai le sao o le malo e totogi ana aitalafau , i lesi 21 pasene.
Ae o polokalame o tupe faaalu, e ono siitai ai le 21 pasene ile tausaga faaletupe fou lenei, fua i galuega faatino. fua i le tele o vaega o lo o ave iai le faataua a le malo.
O maitauina foi e leai nisi lafoga fou o iai, vagana ai le siitia o faasalaga , o na tupe e alu ile lagolagoina o mea tau faamai le pipisi, ma le pa’u ole tau o tiute mo oloa auina mai i totonu, i vaega faapitoa tau fesootaiga, e lagolago ai lena fou laasaga i le tatou atunuu.
