E le taumate le faigata o le tau amataga mai o le faavaeina o le laumua o Avele i totonu o Samoa.
Pei ona iai le aso ananafi lea sa faatino ai sasa ma faafifiaga o le atoaga o lona 99 tausaga talu mai le aso 12 o Iuni 1924.
I le talafaasolopito o le soifuaga o le aoga lenei mai tausaga ua mavae na lei mafai ona auai ai ile itupa o tamaitai, na o alii sa mafai ona aotauina ai ile faafailele lea o faatoaga mo atunuu laiti o le Pasefika
Na tupu ma ola le laumua ma mafai ai loa ona faaulufale ma aoaoina tamaitai i totonu o le laumua ile tausaga 1996.
O le laumua na faavae mai ile 1923, ae faatoa tatala aloaia ile tausaga 1924 ile aso 12 o Iuni.
Na molimauina i ata tuusao poo lives a le Laumua le tele o ana tama fanau, o tama ma teine tuai sa tau atiaea le aoga na auai e lagolago ma opogi le faamoemoe o le laumua.
Ma e le taumate foi le toatele o pule sili, o taitai o Matagaluega ma faalapotopotoga ma i latou ua iu lelei aoga sa aotauina ma tapalu mai le soifua aoaoina i totonu o lea foi aoga umi a Samoa.
Na fai sao foi alo ma fanau o le laumua e ala ia latou siva faaleaganuu ile uma ane o le faigalotu faapitoa, ae o le faalauiloaina lea o a latou taleni e pei o taaloga ma nisi o poloketi mai mataupu o loo latou aoaoina ua maea faataatitia.
O le faamanatuina o le 99 tausaga o le soifua o le Laumua o Avele e toe manatua ai e le toatele o tina ma tama matutua sa tau asaina mai faigata o le tau amataina o le laumua ao iai i taimi o le malosi.
