Ua faamauina ai nei le aso 29 o Aperila o tausaga ta’itasi, i luga o Kalena a le Vaega faaupufai a le FAST ae o le mamalu o tagata ta’itoatasi, e latou te faataua le Soifuaga faasolopito ole Afioga ile Sa’o Faapito, Fiame Naomi Mata’afa ua avea ai nei ma Palemia tamaitai muamua ole Malo Tutoatasio Samoa.
O le Aso Faraile 29 o Aperila na patipatia ai e lona aiga faapolokiki, le atoaga o le 65 tausaga o le Soifua.
O le faipule o Itumalo o Vaisigano Numera tasi, Afioga a Niuava Eti Malolo na fai ma fofoga o le aso faamanatu.
E soifua mai le Afioga ile Tamaitai Palemia, ma patipatia le malo tutoatasi o Samoa i lalo o le taitaiga a lona tu’a’a Ole Palemia muamua o Samoa, faatoa lima tausaga ole Soifua o lana afioga. ae ole 60 tausaga mulimuli ane, ua avea ai nei ma Palemia tamaitai muamua o Samoa.
Ae ose vaega o le faamanatuina o le 65 tausaga o lona soifua ile Aso Faraile 29 Aperila, na pu’e faalauaitele e le Susuga a Lise Marie Schmidt, o se tasi o tamaitai talavou, e latalata tele i le afioga a le Palemia,
Momoli atu ai ma faamanuiaga a le Pulega a le Leitio Polenisia, ile aso soifua faamanatu o le afioga i le Palemia Fiame Naomi Mataafa.
