O le pa’ulia o le Vaa e la’u ai taavale ma pasese ile va o Mulifanua ma Savaii, ile taimi nei.
Ose tulaga o lo tuufesili ai le toatele,pe na faapefea ona tupu le faaletonu ile ao teatea ma le malu ole sami, ae ua oo atu ile aloalo o Salelologa, lata ile uafu. O ta’ua e le tasi o pasese o loo iluga o le uafu i Salelologa, o latou sa faatali mai ile taunuu atu o le vaa lea e malaga mai ai, ile malaga ole lua.
Peita’i ua tete’i ile vaai mai ua to’alia le vaa ua le minoi.
O molimau mai Savaii, ua amata ona la’ula’u ese le pasese, ae o le uta o taavale o loo tumu ai le vaa, o lana malaga o le 12.
E le’o maua se tala mai leoleo poo le pulega o le faalapotopogavaa ile taimi nei, vagana ai pasese fepasi a’i, o loo maua mai ai molimau mautinoa. Pei ona ta’ua e le tasi o pasese o le vaatele na tuua Salelologa ile aoauli, e pasi mai vaai ane o tu le vaa lena a le minoi.
O lipotia, ua talia le sua o le tai, pe mata e maua ai se fesoaosani, mo le faamanee ma seesee ane ile uafu i Salelologa, a’o lei pogisa.
Ma afaina ai polokalame a aiga e ana taavale ua poloka ai i luga o le vaa.
Ole vaa pa’ulia lata mai lea na matua le toe iai sona aoga, ole Vaa ole gataifale a leoleo na oso i luga o le aau i Salelologa, lua tausaga talu ai, a’o tapena le palota tele a Samoa.
Ole pa’ulia ole vaa, i lona atoaga, o le’a maua atu i tatou tala oi luma.
