Ua iai nisi o sauaga o loo tutupu i totonu o aiga, ua mautinoa le sootaga i le laau faasaina o le aisa ma le maruiana.
O le faamaoniaga o lena tala, ina ua taofia ai nei e le Matagaluega o leoleo se alii 31 tausaga o Fasitoo-uta ma Faleasiu i se osofaiga a le Ofisa o leoleo i Faleata i se fale mautotogi i Tulaele ma maua ai paipa ma pauta papae e foliga mai o le fualaau fa’asaina o le aisa.
Ae o ta’ua e le itulau a le Matagaluega o leoleo o lena mataupu e afua mai i se mataupu tau sauaga i totonu o aiga.
Sa fa’atino foi e le Ofisa Suesue Fa’apitoa se sailiga o se fale i Alafua ma maua ai foi, mariuana, paipa e fa’aaogaina mo le ulaina o fualaau fa’asāina o le aisa, aisa e fa (4) kalama le mamafa, tupe ma ni pulufana.
O se alii 33 tausaga o Sinamoga ma Vaimoso ma se alii 38 tausaga o Siuniu ma Alafua ua molia nei i lenei mataupu ma ua taofia sei aulia le aso 11 Mati 2024 mo le valaauina o le mataupu i le Fa’amasinoga.
O le faafetai a le Matagaluega o loo agatonu lea i le mamalu o le atunuu na latou logoina mai nofoaga o loo silafia o loo faatino ai lea solitulafono.
