Pe tutusa le faauigaina ole tulafono e le Palemene 17 faatusa i le 16?

SHARE NOW

E le’o iai se faatuai i tapenaga poo lipoti a le Suetusi Sili, Fuimaono Camillo Afele pei ona tuuina atu i le Palemene e tusa ai ma le tulafono.

Na faailoa e le afioga a Fuimaono i le Radio Polynesia, e tolu lipoti na tuuina atu e lona ofisa, Samoa Audit Office ile Palemene fou lona 17, mo le 2020 ma le 2021 ile tausaga talu ai, e ui ina e lei faalauiloaina faalauaitele.

I le tali a le Suetusi sili i le Samoa News i le fesiligia ai o manatu mai le lautele, o lea ua oo i le 2023, ae o le lipoti lea o loo latou tuui luga e mo le fa tausaga ua tuana’i.

Na ia ta’ua, e sa’o ole lipoti mulimuli lava oi luga o le latou website na faaulu atui le Palemene lona 16, e sootaga ile 2019, ma e sa’o foi ole Palemene e iai lava ana faiga mo ana pepa.

Ae e mafai ona ia ave se tuualalo i le Fofoga fetalai fou, ma le Clerk fou ole Palemene 17, ma le Loia sili fou, pe tutusa pe eseese a latou faauigaina, ma le Fofoga fetalai talu ai, ae o le Clerk ma le Loia sili, Ole tulafono o le faalauiloina lea o Pepa a le Palemene e aofia ai ma lipoti a le Palemene, pei ona ta’ua e le Fuimaono.

Na ia ta’ua foi o le Ofisa su’e tusi, lea o loo galulue ai ile taimi nei i lesi lipoti mo le Palemene mo le 2021.

Ma ua amata ai foi ana galuega mo lipoti e lua mo le palemene mo le 2022.

O iai le faamoemoe e oo atu nei lipoti e tolu i le palemene i le faaiuga o Iuni o le tausaga nei, pei ona ia faailoa mai ise imeli ile leitio Polenisia.