Ua tapena le lalolagi atoa aemaise i malo o le Taupulega a Peretania tele, mo le faauuina o le tupu o lona malo, King Salesa lll.
O le aufaipese faapitoa a le Qench Singers, mai Lalovaea ua fili faapitoa mai e le BBC i Peretania e fai ma sui o Samoa ile aufaipese tele e viiina le pese faapitoa o le faauuga.
O alo ole alii Tusitala ole Leitio faavaomalo , Le siufofoga o le Laumua, ia Tasesa Lam Sam ma le tina ia Temu Suisala Lam Sam, ole Ekalesia Aso fitu i Lalovaea, ua fai ai nei ma sui o Samoa ile vii ole faauuga o le Tupu, King Salesa. O le aufaipese lea pei ona saunoa le tama ia Tasesa, na laiti mai lava o pepese i viiga ole Atua, e aofia ai le tamaitai ia
Nessani Lam Sam, 20, ole NUS
Kesila Lam Sam, 19, o le NUS
Sidney Lam Sam, 15, ole Kolisi o Samoa
O le sauniga ole faauuga o le Tupu o Peretania tele, o le a maimoaina i Samoa nei, e taitai o le malo, ile afiafi ole Aso Sa a sau nei.
O iai le faamoemoe o tapenaga o le fono tele a malo o le Taupulega ile tausaga fou, lea e faia mai i Samoa, pe afio mai ai le tupu Salesa, o le pese foi lea o le’a usuina i lena sauniga ile afio mai ai o le tupu, ma ta’imua ai e alo o Samoa le pese, ae lagolago mai ai isi au pepese mai malo o le taupulega ile lalolagi.
Peita’i na talanoa le tama ia Tasesa ina ua tatou fesiligia, “e le’o se sao ole tagata, ae o le viiga ole Atua e faafetaia ua mafai ona faaaogaina si ana fanau e fai ma sao o Samoa i lenei faamoemoe tele o malo o le Taupulega ile lalolagi.
Ole Aso 6 lea e pa’u iai le faauuga ole Tupu i Peretania.
