Ua poloaia ai nei e le faamasino o le faamaisnoga faaitumalo, Afioga Alalatoa Rosella Papalii, le tuuina atu lea o le lipoti o aafiaga o le tama talavou lea na maliu i le lua tausaga talu ai mai Safotu.
Ole vaiaso nei lea na tula’i ai le Susuga ia Poasa Leaupepe ile faamasinoga faaitumalo, i ona moliaga faasolitulafono.
O le amataga o le masina na talia ai e le Faamasinoga Maualuga le talosaga a le loia, e toe faaititia ifo le moliaga mai le fasioti tagata pa’i valea i le faaoolima faasaga ile faafeagaiga.
i le uma ane o suesuega faafomai, o faapea ai ole atalii lea na maliu i aafiaga o le keukemia.
Na ulua’i molia le faifeau ile fasioti tagata pa’ivalea, ole faaoolima tuga, ma le faaoomanu’a. Peita’i na ia ioeina le moliaga o le faaoolima, ae faaui uma i tua isi moliaga o ta’ua i luga.
Ae ina ua oo atu le mataupu lea i luma o le faamasinoga faaitumalo, ile Afioga a Papalii, ma ia toe tolopo ai le vaaaluga, ile aso 4 o Iulai 2022, mo lana faaiuga, ae ua poloaia ai le tuuina atu o le lipoti o aafiaga o le atalii ua maliu, mo le iloiloga a le faamasinoga.
Ole mataupu foi lea o loo i luga o le kalena a le faamasinoga faaitumalo, o ana suesuega faaletulafono.
Na tupu ile masina o Fepuari oe 2020 mai Safotu, ao avea ai le o molia ma faafeagaiga ile nuu. Ile lipoti a leoleo na faamauina ai, le faaoolima ole Susuga Leaupepe ile atalii, ae i nai vaiaso mulimuli ane maliu i le falemai.
