8 Ianuari 2025, Samoa: O loo faaauau lava ona alofia e taavale feoai aemaise o taavale maualalo pei o taxi le auala i Fugalei ona o afaina o le auala i alavai autu ole taulaga.
Na saunoa ai le ave taxi ia Falefata Nari, faafetai ile tele o magaala ole taulaga, e fealofai solo iai pe’a timuga.
Peita’i o taua e le ofisa vaai tau ile taeao ole aso,
O uiga louloua o le tau numera sefulu ma le tasi (A11) mo laufanua ma ogasami o Samoa.
FA’AMAUINA E LE OFISA O LE VA’AI-TAU I LE ITULA E 5:00 I LE TAEAO NEI
ASO LULU 08 IANUARI 2025.
Fa’amalosia: Lapata’iga mo timuga mamafa.
Fa’amalosia: Lapata’iga o lologa.
Fa’amalosia: Lapata’iga mo Ogasami.
Fa’amalosia: Fautuaga o Savili malolosi.
O se vāega o fetaia’iga o savili ma timuga o lo’o ta’oto pea i luga o Samoa ma āfua ai uiga loulouā o le tau e pei ona fa’amauina. O nei tulaga o le ‘ā tumau pea ona ‘aumaia timuga e mamāfa i nisi o taimi, savili malolōsi ma tō fa’ata’uta’u e o’o atu i le 45 – 55 kilomita i le itula fa’apea uila ma faititili e a’afia ai le atunu’u se’ia o’o atu i le aso Faraile o muamua. O fa’amaumauga lata mai mo ‘ogāsami o Samoa o lo’o atagia ai le maualulūga o galu i le 3-4 mita ma o le ‘ā tumau pea ona a’afia ai ‘ogāsami o le atunu’u i lenei vaiaso ‘atoa.
A’afiaga e ono ālia’e mai:
E timuga ma e mamāfa i nisi o taimi, e tō fa’ata’uta’u savili, e puaoa ma māse’ese’e auala i nofoaga maualulūga, ma e lolovaia nofoaga i tafatafāala. E ono iai ele’ele solo fa’apea lōlōga i vaitafe ma nofoaga e a’afia gōfie. E matuā sousou ma tatāfe āu o le sami ma e puaoa ma fa’ata’uta’u savili i timuga.
