Ua faalauaitele mai ai nei le Polokalame aloaia, o toe sauniga o le Susuga ile Aposetolo, Viliamu Mafoe, a le Talitonuga faakerisiano, le Ekalesia Worship Centre i Samoa.
Ma tatou molimauina le tumutumu o aiga, uo ma paaga ae o totino ole Ekalesia, i tapenaga ole aso faamavae I lalo nei ma le auauna a le Atua, talu mai lava le aso na tuua ai le malo, 17 o Aperila.
Ma gasolo atu i lona maota i Tulaele. O lona maota lea ma le fanua na faamealofa iai e le Ekalesia, pei ona saunoa le afioga ile Faletua ia Lavina, i le faatalanoaga ma le ATA Mua News ile taimi ole umusaga ole maota nofo ole Aposetolo.
Peita’i o lo la maota lea i Tulaele o loo mapu iai lona tino maliu ile taimi nei ma tatala ai le avanoa i aiga, ae o uo ma e masani latou te feiloa’i atu iai.
Se ia le 4ile afiafi ole Aso Sa, e faia ai le sauniga faaleaiga o le Aposetolo ile malumalu o le Worship Center i Tiafau. O saunoa ai le sui ole komiti a le Ekalesia, e tatau ona oo atu i le 10pm ua mae’a ae faaauau ai leoleoga ile malumalu pa’ia ma asiasiga.
Peita’i o ta’ua e lona alo, ina ua tatou fesiligia, le Susuga ia Lole, o toe sauniga o lona tama e faia ile Aso Gafua mai le 9 ile taeao ile 12 ile aoauli.
Ma molimoli atu ai loa i lona maota malolo i Tulaele.
E tuumalo ai nei le Aposetolo ia Viliamu Mafoe ilea so 17 o Aperila ua savali ile 66 tausaga o lona soifua, ma tuua ai le la mafutaga ma le faletua ia Lavina, ae o le nofo alo, ma aiga.
