Popole faipule o Safata ina ua taofia galuega faavaitaimi mo le tasi le Masina

SHARE NOW

E tasi le masina lea ua taofia ai Malaga mo galuega faavaitaimi pei ona faailoa e le Malo.

Peitai o le mataupu tonu lea na aga’i iai le popolega o le Sui Faipule o le Itumalo o Safata 1, le Afioga ia Lea’na Ronnie Posini,  i le Palemene  ananafi.

Saunoa le Faipule, o lona popolega nei agai ese le Kamupani Niu Sila ma Ausetalia e saili nisi a latou tagata faigaluega mai nisi atunuu o le Pasefika, ona tu faaletonu ai lea o lona itumalo, aua o galuega nei ol’oo tua iai latou, ae ua tatau ona toe amata faatumu pepa o tagata oloo galulue i galuega nei ma toe o.

“O le matou itumalo tua, ae vaai i aiga, ua nonofo maota ma laoa lelei,  ua feoai foi taavale ua le tasi le lua, ua tolu taavale, ao le siitia foi o le tamaoaiga, e tautua ai le Ekalesia ma le Nuu a lea ua maua ua taofia mo se taimi, ao le faanoanoaga lau Afioaga le fofoga fetalai o le taofiga le taofia ai tatou e i’u ai ina le toe maua ai avanoa e le faatalitalia mai ia tatou kamupani la, la ua agai  fale faigaluega nei i Fiti, Tonga, ma isi Atunuu o le Pasefika e saili mai tagata mo galuega nei e toe tapa atu la tatou ua  leai se avanoa,”

Peitai na tali le Sui Palemia le Afioga ia Tuala Tevaga Ponifasio, ua afua ona taofia le tumau galuega ona ua leai se mulimulita’i i aiaiga o konakarate, ma ua taunuu atu o tatou tagata e faaletonu mea e nonofo ai, tele tupe ua tipi ma toesea mai totogi, aemaise o le maliliu.

“O le aveina o tagata i fafo e mo sina taimi, poo se taofiga le tumau ona e iai mafuaaga, ua tulai mai ni faafitauli ogaoga lava i le ave lea o tatou tagata ae leo faatulaga lelei aiaiga aemaise faiga faavae a le malo e ave ai tagata i fafo, e manumanu tele le malo i soifua o tatou tagata aemaise o le faaogaina o tatou tagata o le human resources e isi Atunuu, ae leo lelei ona taui, ma totogi, e faavae nei mea uma i le Alofa,”

E leo iai se fuafuaga a le Malo e aveesa pe faamuta avanoa o galuega nei mo le manuia lautele o aiga o Samoa.