Ua faamaonia mai e le Matagaleuga o leoleo le molia o alii e toa fa, e sootaga ma le osofaiga na faia i le Nuu o Vaimoso ile lima aso talu ai.
Na faia le suesuega faapitoa,i le maota ole tagata na masalomia, e 48 tausaga le matua, ma maua ai nisi o meatotino sa gaoia, O oloa ia e masalomia oni oloa faagaoi, o maituaina o nisi na o oloa o sailia mai maota na osofaia ma aveeesa ai na mea totino.
O isi tagata o masalomia, e 46 tausaga, 30 tausaga ma le 29 tausaga le matutua.
Na maua uma ile fale o le alii lea e 48 tausaga le matua i le taimi o le osofaiga a leoleo. O oloa ia o loo lisi i oloa na gaoia, e iai laptops e lua, ma latou uaea, o keyboards, mouse, earpods, ato mo laptops, black label wine, pulou kaupo, Bsp cards, flat screen tv 32 inisi, ma le video recorder.
Na maua ai foi ma tamai taga pepa o fualaau faasaina, methamphetamine i le ato a le alii 48 tausaga, ma lala marijuana i totonu o le tamai container.
Ma ua molia faatasi ai le toa fa lea i le umia o le fualaau faasaina, ma oloo i lalo o le vaaiga a leoleo mo le taimi e valaau ai le latou mataupu, ile aso 17 o Aperila.
E ese foi lesi mataupu na molia ai isi alii e toalua, ma molia ile osofaiga foi na faia e le ofisa o leoleo i Faleata, ile faaiuga o le vaiaso i Falelauniu tai.
Na maua ai e leoleo le tagata o iai aisa, lau marijuana, fatu, ma masini faaonaponei mai le fale o loo masalomia. O le toalua o loo masalomia, o le tama ma lona atalii, ma ua molia uma ile umia o marijuana, umia o le aisa, ma fatu laau. Na maua ai foi e leoleo lesi toalua i le fale lea , e fai ma molimau.
Ae o le tama lea e 44 tausaga le matua, o loo i lalo o le vaaiga a leoleo, ae o tatala i tua lona atalii, e faatali ai le mataupu lea i le aso 17 o Aperila, O taua e le matagaluega o leoleo le popolega ua iai nei ile faateleina o le faaaoga o masini faaonapo nei, e faatau ai fualaau faasaina, aemaise ai lava i le aisa.
O le osofaiga lea talu ai nei, ua iloa ai le mata’utia o lea solitulafono ua iai nei.
