Pule lava le fai faatoaga ma le fai faiva i le tau o ana oloa

SHARE NOW

O le siita’i ole tau o le palolo mai le afa lita ile lita, kuata ole kalone ma faasolo atu ile tasi le kalone palolo, male lua kalone, (2 gallons) o se tau e le’o mafai e le malo ona faia iai se faatatau, aua ole sa’olotoga lena o le fai faiva ma le fai faatoaga a Samoa.

Peita’i i molimau ole palolo mai Savaii ole po ole aso Toonai faapena foi i Tutuila Amerika Samoa, na maua ai palolo, a aiga toatetele faatusa ile taaga ale tagata e to’atasi.

Ole faatau o palolo, i lenei masina, ua siita’i i luga, ile $150 ile ofu po’o le afa pauna, mai le $50tala sa iai ma faasolo atu ai lava i luga ile $500, ile $4afe ile tama’i paelo pe kalone ma le afa.

Faatusa i palolo i Tutuila Amerika Samoa, e matua faasa taputapu lava ona faatau palolo e maua ile faasao i le aloalo ole afioaga o Alega. Na saunoa ai le Susuga Tisa Faamuli, o taulamua ile faasao o le mealofa e mo tagata uma, ae ole tagata e sau ta palolo ele afaina, ae e tapu lava ona faatau se palolo e maua atu i Alega.

Ma ua le tutusa foi palolo maua , i lana tala, ua lua ai nei tausaga ua le toe tutusa lava, o masalomia poo suiga ole tau, pe ua iai foi se isi taimi ole po ma le tausaga ua ta ai palolo, ae le’o iloa lava ona o suiga o le siosiomagama i aafiaga ole tau.

Ole sami i talaane o le malaevaalele i Tafuna  e mautinoa lava le tetele peita’i na fatia ai le au tavaa ona ole le faaeteete.

O iina na tatou molimauina ai, e le faaaogaina ni ta palolo, e na’o le asu mai lava e le paelo ma faatutumu ai aliga, tetele, pei o ulo fai faalavelave, tetele, e uma containers e le taitai ona ila palolo ile malaevaalele o Tafuna.

E le susu foi se isi, e tutu lava i luga o le utuutu ma taumafai e oomi le paelo i lalo, aua e mafiafia ua leai se suasami, e lua lava tausaga sosoo ile silia ile 30tausaga talu ai, o foliga na ole mafiafia ole palolo i sami i autafa ole malaevaalele i Tafuna.

Ae o molimauina mai foi le maua pea lava ole palolo i Manu’a.