E le’ faigofie le faaiuga a le alii Loia Sili Lagolago, Afioga a Fuimaono Sefo Ainuu, e faamavae mai le Ofisa o le Loia Sili.
I lana tali mai ina ua fesiligia e le Leitio Polensia, sa faigata lava lana faaiuga e faamavae.
Toe fa vaiaso lea e galue ai ile Ofisa o le Loia sili . Ae o lana faaiuga e iai ana ia lava mafuaaga.
Ae na te faafetaia le Loia Sili Susuga Su’a Hellen ile lagolagoina o lana faaiuga, ma o lona taimi lea o loo totoe, e mo le sologa lelei lava se ia oo ile taimi e alu ese ai.
E iai foi lona mitamitaga ile aufaigaluega o loo totoe ai ile Ofisa o le Loia Sili,
Ae mo ia, ole faamoemoe ia aoga le tomai mai galuega na ia faia mo le atunuu lautele, ae o le’a faauaua ai pea ona galue mai le itu o auaunaga tumaoti.
Ae e nate fa’afetaia le taimi na galulue ai ma isi Loia Sili ua mavae atu, e aofia ai le Aumua Ming Leung Wai, Lemalu Hermann P. Retzlaff, Savalenoa Mareva Betham-Annandale ma Su’a Hellene Wallwork-Lamb.
Na ia faafetaia foi le sao o Ms Rebecca Wendt, Loau Donald Kerslake, ma Ms Muriel T. Lui ao galue ai ile Ofisa o le Loia Sili.
