“Sa iai le vevesi ile uma ane o le lotu a le Faamasinoga…” Papalii

SHARE NOW

Ua faamaonia mai e le Sui Komesina ole Matagaluega o leoleo Susuga Papalii Monalisa le malaga atu o leoleo a le Vaega o le auaunaga lautele, e fesiligia le Susuga Tuilaepa Sailele Malielegaoi ile tulaga o le oo ane o tagata i le ofisa ma ta’u ane sa iai le vevesi ile uma ane o le lotu a le Fa’amasinoga i le taeao analeila.

I tatou sailiga na iloa ai, ole lotu lea a le faamasinoga e masani ai lava ona auai atu iai le vaega a le Prosecution a le Matagaluega a leoleo. Ae le’o le tulaga lea na iai ile lotu, ole 2023.

Peita’i na tatou fesiligia le susuga Papalii, pe na iai ni leoleo i le faamasinoga, o lana tali, Sa la iai ma le Komesina, ae late lei iloa se faaletonu na tupu, masalo pe na tupu ua o ese mai la’ua i le uma ane ai o le lotu.

Ae i tatou sailiga lava na faamaonia ai e le tatou paaga o taofia lona suafa ona o le puipuiga i lana galuega, e sa’o sa iai le mea na tupu i le faamasinoga.

Ae le’o mana’o le Susuga Tuilaepa e faaulu sana tagi faasaga i le tamaitai na aafia ai.
Na avane foi le tamaitai lea ile ofisa o leoleo, ae le’i faia se faamatalaga tusitusia, ma e leai se molimau , na oo atu foi leoleo i le na aafia,  ae e le’o mana’o e faaulu sana tagi.
Ma e leai foi ni moliaga na faia faasaga i le tamaitai lea.

Aa ua toe oo atu ai leoleo e avane le tamaitai lea e faapepa pea le fautuaga e ave iai. Ae ole mea na tupu pei ona ta’ua mai totonu, ole taimi laa oso le alii faipule i le taavale ae papa’i atu loa iai le tamaitai.E le’o mafai ele  Sui Komesina ia Papalii ona aumai nisi faamatalaga auiliili, ae na’o na faapea mai sei foi ane leoleo ona faalauiloa ma lea i luga o le itulau o fesootaiga tele vave ale Matagaluega o leoleo.

O le tina lea o loo taofia e tatou tala fou lna suafa ma lona nuu,  na malaga mai fafo, ae nofo i totonu o le li’o o le taulaga o Apia.

Ma ua faamautinoa mai e leoleo, ua na’o se fautuaga o le ‘a ave iai, ae leai se moliaga talu e leai se molimau, ma e le’o finagalo foi le Susuga a Tuilaepa e faaulu se tagi faasaga iai.