E to’atolu tina talavou o loo feoa’i ile taulaga i Apia, mai ofisa i nofoaga faitele, ma latou pepa aisi, ose vaaega ole latou faasailigatupe faaluaitele.
O tina ia, o loo fai ma sui ole faalapotopotoga a le “Tufa le taleni”, ua iai lona pulega faatonu, e aofia ai le Peresetene, Flora Tautai, Taitaifono Tagaloa Rudy Robeck, m ale Teutupe ia Tanuvasa Slade.
Peita’i o le vaiaso nei na tatou molimauina ai le taumafaiga faalauaitele a sui ole Tufa le Taleni ise tasi o ofisa i Taufusi.
Ma latou molimau, o loo faagasolo lava a latou fesoasoani i nuu ma itumalo, peita’i o seleni o loo saili e fesoasoani lea ile faatupeina o a latou polokalame faaleaoaoga.
O le tufa le taleni mo Upolu sa faatautaia ile Hall a le Ekalesia Katoliko I Taufusi. O le auga ia atinae tomai eseese mo tina talavou ma matutua i le gaosiga o oloa taulima o soo se ituaiga. O na oloa e toe faatau atu mo le saga atina’e atili ai o aiga, ae itu tau pisinisi laiti.
Ua uma mai Matautu Lefaga i le mafutaga a tina o le Parataiso, na a’oa’o ai le aoga o le laufala mago i le gaosiga o oloa eseese, ae o atigipopo.
Peita’i na latou aapa atu foi le polokalame “Tufa le Taleni ile motu tele i Savaii, I Salelologa, ile gaosiga o oloa mai mea maua gofie.
O ta’ua e tina nei ole Tufa le Taleni, o loo feoa’i ma pepa aisi ile taulaga, ua uma ona o latou faafesoota’i ma savalia ni itutino ole malo mose toomaga, pei o le Matagaluega o Tina ma Tama’itai, ae leai se latou fesoasoani na maua ane ai.
Ua mae’a foi ona o latou uia isi faalapotopotoga mai fafo o loo I Samoa, ae le’i maua ane lava ni fesoasoani tupe, e faaauau ai le polokalame o le Tufa le TAleni, lea ua faitau selau tina ua oo atu iai le faa’oa i tomai ua maua, ae o le avea ai ma pisinisi poo se alaga tupe i aiga.
