Saili le ave taavale na maliu ai le tamaitai Saina

SHARE NOW

O loo manaomia e le Matagaluega o leoleo, falepuipui ma le Toefuataina ni faamatalaga e sootaga i le ave taavale na maliu ai le tamaitai Saina i le Aso Sa 24 o Setema i le 4:30am i le vaveao.

O le faalavelave lea na tulai mai i Vaitele Street, e latalata ane lea i le pamu penisini a le CBM i Vailoa, ma masalomia ai le ituaiga o le Hyundai Getz lanu paepae.

Peitai ua faailoa mai e le Matagaluega o leoleo e lei oo atu lava ni faamatala e faatatau i lenei faalavelave ma le tagata na faafoeina le taavale na mafua ai le maliu o lenei tagata nuu o Saina.

Ae ua talosga mai ai le Matagaluega o leoleo i le mamalu o le atunuu ia pulupulu lima faatasi e fesoasaoni atu i lo latou foi galuega e ala lea i le tuuina atu o faamatalaga e sootaga ma le faalavaelave o taua i luga.

Ua lua ai nei faalavelave tau taavale ua tau sailia faamatalaga o le tamaitai Saina lenei ma le alo ia Tuuau lea ua 2 tausaga o tau sailia lava le taavale ma le tagata na ave ina le taavale na afua ai le maliu.