E silia I le 10 avanoa faigaluega a le Matagaluega o le Soifua Maloloina o loo faalauiloa ai i luga o le itulau a PSC.
Ole vaiaso talu ai na laga mai e le Taitaifono ole Asosi a tamaitai fomai, itula faigaluega o tausi soifua e le’o totogia. Peita’i ua faailoa mai e le PSC le mana’omia lea o ni tagata o totonu ole pulega o falemai faitumalo.
O maota gasegase ia e iai Lufilufi ma Satuiatua i Savaii, o mana’omia ai ni tausi soifua, ma e aofia ai e ua iai poto faapitoa pei o le faatosaga, o taumafa tatau, o faamaumauga a le pulega , ma tagata asiasi faapitoa a le soifua maloloina.
Na tatou fesiligia foi le sui ole PUlega o tagata faigaluega a le malo, poo iai se latou tulafono , e taofiofia ai le totogi o itula faigaluega o tausi soifua ma tagata faigaluega I le falemai.
Peita’i o ta’ua e le pulega ole PSC, e agavaa uma lava tagata i totogi o latou itula ova, ae iai foi le vaega e fua iai totogi o itula ova, vagana lava le vaega o galulue I luga o konekarate, o loo totogi lava fua I a latou konekarate, ae o isi vaega uma, e foliga mai o totonu lava ole pulega ole Matagaluega le mafuaaga o le faaletonu I ovataimi.
