E le’o taitai a ona lava leoleo ole matagaluega o leoleo ma falepuipui, e ui ina faaauau pea ona faia a latou a’oga e toleni ai leoleo fou.
Peita’i ile tatou faatalanoaga ma le afioga i le Komesina o leoleo, falepuipui ma le ola toe fuataina, Auapaau Logotino Filipo, o loo ia ta’utino ai ose lu’itau tele lea mo ia, o le faamavae mai o leoleo.
Mai le tusa o le 900 o iai nei, ua oo atu lava ile tolu leoleo e faamavae ile aso.
“E toatolu a tagata ia e sign off pe resign mai i le vaiaso, e o i galuega faavaitaimi, e tiga ona fai a matou recruit ae lusi a leoleo, o tagata e o i galuega faavaitaimi ma isi o loo manuia sei faaletausga a Niu Sila”
Saunoa Auapaau, o loo tapena le matagaluega mo le fono tele a taitai o atunuu oi lalo o le pulega a Malo o le Taupulega, e talimalo ai Samoa ile tausaga fou.
I lana ia foi maitau, e le na’o le Matagaluega o leoleo o loo aafia ile mamulu atu o tagata faigaluega i galuega faavaitaimi ma le quota faaletausaga a Niusila.
O le Ofisa o aoga ma le Ofisa ole Soifua maloloina isi Matagaluega o loo maui atu foi a latou tagata faigaluega talu le saili manuia o tagata i atunuu pei o Niusila ma Ausetalia.
Peita’i o loo o faatasi lava le toleniga o leoleo e galulue i Samoa ma leoleo e galulue i fafo atu, pei foi ona mana’o mai ai le malo o Saina e fesoasoani ile siitia ole tomai o leoleo Samoa.
“O le ofo a le Malo o Saina e mafaiai ona latou aoaoina nisi o leoleo ma sue i le suega faapitoa a malo Aufaatasi poo le UN e mafai ai ona galulue leoleo a Samoa i isi misiona i fafo atu”
Taimi nei e silia ile 900 leoleo o loo galulue ile matagaluega a leoleo i Samoa.
