Ao talia ai se taimi e valaau ai le palota laititi a le Itumalo o Gagaifomauga numera lua, ae o loo faapena foi ona avanoa pea le tofiga Ofisa sili, poo le Komesina o Faigapalota a Samoa.
Ae ua maitauina, le toe lua vaiaso tapuni talosaga mo le avanoa faigaluega o se Ofisa Sili poo le Komesina o le Ofisa Palota a Samoa.
Ua faasalalau ai nei ele Komisi o tagata faigaluega a le malo, se Ofisa sili o le Ofisa o faigapalota, ae faagata talosaga i le aso 5 o Me 2022.
Ae ua tusa ma le lima masina talu ona faamavae le sa tauavea le tofiga, Komesina : Faimalomatumua Mathew Lemisio. Ina ua faasee atu ile tofiga Sui Persetene o le Faamasinoga o Fanua ma Suafa, .
Peita’i e tusa ai ma le avanoa pea lava o le nofoa o le Itumalo o Gagaifomauga numera lua, ile Maota faitulafono o Samoa, ina ua tuua ai le malo e le Susuga Vaele Paiaua Iona Sekuini, i le uma ai o lona tausaga muamua o lana nofoaiga, e tatau ai lava ona toe palota sona faipule fou.
Ole itumalo lea o Gagaifomauga, e silia i le afe ma ona tupu ona tagata palota mai afioaga o Samauga, Paia ma Lefagaoalii, Matavai ma Faletagaloa ma Fatuvalu.
Peita’i o loo tatala ai pea e le Komisi o tagata faigaluega PSC Public Service Commission talosaga a tagata agavaa i le avanoa Komesina o faigapalota.
