Sailia le mafuaaga o le maliu lilo.

SHARE NOW

4 Fepuri, 2025 Samoa – E le’o iloa le mafuaaga ole maliu ose alii o loo taumate lona matua, pe silia ma le 30 tausaga.

Na maua lona tino maliu ile Aso Toonai talu ai, lata ile aualatele i Faleula.

E le’i maua se tatou feiloaiga ma le Komesina o leoleo Auapaau Logoitino Filipo peitai sa ia ta’u ile tatou paaga tusitala, e le’o iai ni manu’aga ile tino ole alii ua maliu.

Ae ua faia iai suesuega a leoleo, ae o talosagaina foi le atunuu, ise tasi o iai sona silafia i lea mataupu, e  logo ane leoleo, ma o le’a malu puipuia foi lou suafa. Ile lipoti lava lea a le tatou paaga o ta’ua ai, “E iai le molimau faapea na iai se feeseeesaiga ile va o lea alii a’o soifua ma nisi.” Ae o lea ua maliu faafuasei ile lua vaiaso mulimui ane.