Ua maona ane se fuafuaga e faia se sailiga tupe a le pulega ole Lakapi Samoa, mo tapenaga a le au lakapi a le Manu Samoa.
Talu le faalauiloa a le taitaifono, Tuilaepa Sailele Malielegaoi, na tatou lipotia muamua, ole utiuti o tulaga tau seleni a le pulega ua afua ai ona le mafai ona auai atu le Manu Samoa ile taamailosaga masani i Europa ile tolu masina o lumanai nei.
E ui I a saunoa mai le Minisita o Taaloga, e lei avatua se talosaga a le pulega ole Lakapi Samoa mo le tupe o lea faamoemoe.
Ole saunoaga foi lena a le Minisita o tupe, Lautimuia ina ua tatou fesiligia, e lei oo atu foi se talosaga mo se tupe faapitoa o lea taamilosaga, ae sa talosaga atu ile $1.5miliona e avane atoa mo fuafuaga a le pulega, na tuai ona avatu mo le taimi ole tupe faasoasoa ole 2023-2024, ma e lei taliaina.
E leai foi se talosaga mo lena lava faamoemoe ile tupe faasoa mo le 2024-2025.
Ma tuaia ai e Tuilaepa le malo ile taofia o fesoasoani.
Peita’i na taua e le Minisita o taaloga na avatu le talosaga a le Lakapi Samoa e le gata ina tuai atu, ae lei tau atua ai se manaoga mole taamilosaga lea ia Novema i Europa. Ae ole tiute ole pulega ole faataatia ole kalena 12 masina a le Manu e tapena mamao iai.
Taimi nei pei ona agia ma le pulega ole Lakapi Samoa ua tagai ai ile faia oni sailiga tupe e fesoasoani ile Manu Samoa.
Peita’i ua masofa foi le pulega ole Manu Samoa Taitoa fiti, lea ua faamaonia mai e le alii faiaoga ulu ole fiti, Muliagatele Brian Lima, le faateia o ia ile faamuta faafuasei atu o lana konekarate, ae o konekarate a le pulega ole fitu.
O le leai ose tupe a le Lakapi Samoa ma le tutuli ole pulega ole Manu Samoa fitu, lea ua mafuli iai talanoaga faalauaitele i luga o fesootaiga televise i lenei foi taimi
