12 Tesema 2024 Ua atoa ai ile aso le vaiaso talu ona saini e Samoa se maliega ADB Aisan Development Bank, faletupe atinae a Asia, mo le faatupeina o nisi solar pannels ma nisi maa e teu iai le uila, e le EPC.
O sui o Samoa na sainia lea maliega ole Susuga a Christopher Fruen Acting Chief Engineer ma le Manger Legal Tofilau Alex Stanley ole EPC, ma sa faatino i luga o fesootaiga televave I le aso 6 o Tesema 2024.
Ole faamatalaga faalauaitele mai le ofisa tutotonu o le ADB i Filipaina, o taua ai e le faaulu o le itu tau maketi o mea tau atina’e a le ADB i Filipaina, Ms Cleo Kawawaki, “ le avatu o le lagolago ale ADB i motu laiti pei o le faasee atu ai o Samoa e faaaoga le eletise faafouina. E le gata ina taulamua ai Samoa i lea laasaga ae ose faataitaiga foi mo isi malo o le Pasefika, o faasolo atu e fausia foi a latou eletise faafouina.”
Ole poloketi lea e mafai ona oo atu I le 40 megawatts le tele ole uila e maua mai le la, ma le 40 megawatts itula o maa uila.
O le’a mafai ona ausia ai e Samoa le 70% o lana eletise faafou ina pe’a oo atu I le 2031.
O taua foi e le tala faalauaitele mai le ADB, ole taimi nei o loo faamoemoe lava Samoa i le suauu faatau mai fafo, tusa o le 69 pasene o lana eletise o gaosia mai ai, ma afaina ai foi lona tamaoaiga I tulaga maaleale o iai le tau o le suauu ile taimi nei.
