O le amataga o le vaiaso nei lea sa faia ai se sainigalima o le maliega faufautua a le iunivesite aoao o Samoa ma le consortium a le kamupani a Iapani
O lenei kamupani mai iapani le sa tuʻuina atu auaunaga faʻatalanoaga taua e avea o se vaega o le Poloketi mo le Faʻaleleia o Fale i le Faculty of Health Science e aofia ai ma le isi vaega le kamupani a iapani e iai Yamashita Sekkei Inc, Fukunaga Architects-Engineers, ma le Binko International Ltd
O lea sainigalima lea sa faatautaia I le lotoa ale iunivesite I papagalagala na faailogaina ai le faiga faapaaga a le lau iunivesite ma le Consortium a iapani mo le galulue faatasi i lenei poloketi ini suiga lea ua maua ai le fesoasoani tau tupe mai le Japan International Cooperation Agency (JICA).
O lea maliliega na sainia e Polofesa Tuifuisa’a Patila Malua Amosa, Sui Ao ma le Peresetene o le NUS, ma le Faufautua Sili Mr. Shingo Kuroda mai le Yamashita Sekkei Inc. O le galuega lea ua faamoemoe e mae’a i le aso 29 o Fepuari 2028.
I lalo o tuutuuga o le maliliega, o le a faia e le Consortium auaunaga eseese e aofia ai le tapenaina o mamanu, faiga o tauofoga, vaavaaiga faufale, faʻatauga o meafaigaluega, ma ana aʻoaʻoga faʻatino, ma le tausiga o le galuega.
O le fa’amoemoe o le poloketi o le fa’aleleia lea o nofoaga i le Faculty of Health Science ma saofagā i le si’itia o a’oa’oga tau soifua maloloina i Samoa.
O le a iai fo’i le fogafale atoa o lenei poloketi mo le potutusi e fa’atatau i le fa’atupulaia o le aofa’i o tamaiti a’oga e mana’omia avanoa mo su’esu’ega.
