O lea ua maea ona sainia e le Peresetene o le Toomaga mo e Puapuagatia ma le Peresetene o le SSN se Maliega i le va o le Toomaga mo e Puapuagatia ma le Samoa Spinal Network, e avea ma paaga i le faatinoina o le Nofotane Samoa Social Enterprise (NSSE).
Ao ananafi lea sa faalauiloa ai loa le poloketi a le nofotane group lea o loo taulamua ai le vaega a le SVSG.
Lea e faatupeina e le Iuni a Europa o le poloketi lenei o le isi la’asaga lea i le faigamalaga fa’amalosia a tina nofotane na sao mai sauaga.
O le fa’amoemoe atoa o le Poloketi NSSE e 3 lea e faatinoina ai lenei poloketi lea o se Polokalama a le polokalame a le Nofotane mo atina’e e ala I galuega, a’oa’oga, ma avanoa fa’amalosia i tina Nofotane ma e aofia ai ma I latou e iai aafiaga tumau o le soifua.
Na faailoa e nisi o sui mai I tina ia o loo auai I lea polokalame o le nofoane project o loo faatinoina o se fesoasoani mo I latou e sue ai a latou tupew aua le tausiga o aiga.
O lenei polokalame na faavaeina I le tausag e 2015 ma e oo mai I le taimi nei e ala lea I le latou gaosia o mea taulima Samoa male tele o isi measina a le atunuu.
O le Samoa Spinal Network o loo vavaa lua nei ma le Asosi o le Soifua Maloloina o Aiga i Samoa e avea ma paaga e lua I le poloketi lenei a le SVSG.
Na faalia e le peresitene o le toomaga mo e puapuagatia ia Sinaliu Lina Chang o le auga autu lava ia o le polokalame a le Nofotane lea o loo vaaia nei e le Svsg Ina ia ausia e tamaitai Nofotane a latou miti, e tatau ona latou ola maloloina, fiafia, ma saogalemu. O le mea lea, o le vaega o le soifua maloloina ma le soifua manuia o le Poloketi NSSE o loʻo faʻatinoina e le Samoa Spinal Network ma le Samoa Family Health Association o loʻo i ai se sao taua i le faʻamautinoaina o tina nofotane i lalo o le Polokalama e le gata i le tamaoaiga ma agafesootai, ae o loʻo soifua maloloina. fiafia ma saogalemu.”
