Faamaonia moliaga o le alii leoleo 

SHARE NOW

E na’o le $200 tala faasalaga tupe  o le alii leoleo na auai ise soligatulafono sa faatino i le afioaga o Sagone Savaii i le masina o Iulai o le tausaga nei.

O le susuga ia Faalogo Fetulele,  e ta’ai lua i totonu  i le vaega taavale afi ma le faaili a leoleo. Sa tu’uaia lona  lafo o upu mamafa, ole tau’ai ma’a, ma le umia o se a’upega matautia, ma toe soli le fanua e aunoa ma se faatanaga.

I faamaumauga mai le faamasinoga ile itu a leoleo, “o le feeseeseaiga lea i Sagone, na auai faatasi le alii leoleo ua molia ma nisi o lona aiga, ma tauai ni maa i le maota ole matai ole nuu, Leilua Taleni, 62 tausaga o le soifua.

Peitai ile faaiuga a le faamasinoga, i molega o le

 * tauai maa ua faamaonia ma lona sala tupe e $100

* Upu taufaifai ua faamaonia ma lona sala tupe e $100

*umia o aupega mata’utia, ua faamaonia , ae leai se faasalaga.

 *solifanua e aunoa mase faatanaga, faamaonia le moliaga ae leai se faasalaga.

E lua aso na faagasolo ai suesuega o lenei mataupu  11 ma le aso 12 o Novema ma aumai ai le faaiuga i le lima aso talu ai.

E totogi le 200tala e le leoleo, ile taimi faatulagaina a leai e lua vaiaso faafalepuipui. E valu  molimau a le itu a le itu a tetee ma ana loia, afioga  Kata Seiuli Pepe, ma le Afioga Alex Sua.

O le Afioga ia Tuiloma Tu Muliava sa tulai mo le Matagaluega a Leoleo ma Falepuipui.